Ásvegur 2 í Hjaltadal, Skagafirði, 40m2 sumarhús ásamt gestahúsi. Hvorutveggja í ágætu ástandi. Sumarhúsið er byggt úr timbri árið 1984; eldhús, þrjú svefnrými, stofa og snyrting. Gestahúsið er byggt síðar og sólpallurinn smíðaður árið 2010. Húsin standa á 4.464m2 eignarlandi. Rafmagn og kalt vatn er til staðar. Sumarhúsið er staðsett á skjólgóðu svæði skammt frá Hólum í Hjaltadal. Landið er kjarri vaxið og þar er gott útipláss sem býður upp á ýmsa möguleika. Á lóðinni er leiksvæði fyrir börn, s.s. rólur, sandkassi og vegasalt. Auk þess er flöt sem hægt er að nýta sem tjaldsvæði. Á landinu eru möguleikar á ræktun. Frá sumarhúsinu er stutt í fjölbreyttar gönguleiðir og útivistarperlur í næsta nágrenni. Ýmis þjónusta og afþreying er í boði í Skagafirði, 16 km er á Hofsós þar sem ein best staðsetta sundlaug landsins er. Sauðárkrókur býður upp á nær alla þjónustu. Hægt er að kaupa veiðileyfi í Kolku og Hjaltadalsá. 
 
Nánari lýsing: 
Gengið er inn í parketlagt alrými með fatahengi, eldhúsi og stofu. Eldhúsið er opið með eldhúsbekk rúmgóðum skúffum, hilluplássi, nýlegri eldavél og ísskáp ca. 90 cm á hæð. Úr alrými er hægt að ganga út á sólpall. Í svefnherbergi I er gluggi sem vísar til vesturs og þar er tvíbreitt rúm og lítil hillueining. Í svefnherbergi II er gluggi sem vísar til austurs og þar er tvíbreitt rúm og frístandandi fataskápur. Lítið bað með salerni og handlaug, lítill veggskápur og gluggi vísar til austurs. Eldhús og baðinnréttingar eru frá Ikea. Stofan er rúmgóð og björt. Gesthúsinu er skipt í tvö rými, í fremra rýminu er tvíbreitt rúm og innan við er geymslupláss. 

Allar frekari upplýsingar veita
Arnar  773 5100  [email protected]
Friðrik 773 5115  [email protected]
Svala  663 5260  [email protected]